Capulets Garten: Zwettie Szeen


(Romeo kummt in de Gade)

Romeo: Was soll ich narre mache?

(Julia guckt owe aus'm Fenschter raus)

Romeo: Ach Gott er Leit, was guckt dann do owe durch's Fenschter? Des esch jo die Julia. Kumm emol raus mei Sießi ! Sie esches, mei Schneck, mei Liebschti ! O wie se die Hand uff de Backe lecht ! Wär isch doch de Handschuh uff dere Hand und deed den sieße Backe kisse.
Julia: Jesses er Leit, was babbelscht dann so gschwolle do rum ?
Romeo: Ach Gott, her der des mol a, die redd jo! Hob, red nochmol, sach noch was. Dei Stimm esch jo so schäh !
Julia: Ach Romeo, wär narre nit alles so kompliziert. Ich wäs was: Loss dich doch äfach umdäfe, dann hettemer kä so Probläme mit dene doofe Name. Dann wär ich ach kä Capulet mä.
Romeo: Her derr des mol a. Was hoscht dann iwwerhaupt geche mein Name ? Esch der Dir nit gut genuch, oder was ?
Julia: Awwer Schätzel, des esch doch Kees vun geschdern! Ich män doch nur, dass Dein Name mein Feind esch. Awwer Du bescht jo trotzdem noch de selwe. Ach wenn doch nur känner von de Montague wärscht. Was esch dann des ver ähn Mischt, mir esches völlisch egal wie Du häscht.
Romeo: Bass uff wast sagscht, ich nemm Dich bei deim Wort. Sach äfach "Liebschter" zu mer, dann hab isch ähn neie Name. Dann häs ich nimmi Romeo.
Julia: Was erlaubscht Du der dann. Dräng misch gfälligscht nit so.!
Romeo: Ich wäs nit wie ich deer des mit dem Name sache soll. Ich kannen doch selwer nit hawe. Hett ich den Mischt schriftlich, dann hett ich'n schun längscht verisse. Des kannscht mer ruisch glaawe.
Julia: Ich wäs verdammt gar nimmie was ich glaawe soll. Wie bescht dann eichentlich do herkumme ?  Hopp sach's. Ich mähn jo nur ! Die Mauer esch doch so furchtbar hoch. Ich froch mich bloß, wie Du do mit Deine kurze Bäh driwwer kumme bischt. Un wenn Dich mei Vetter verwischen machense Dich sowiso kalt mei Liewer.
Romeo: Die Macht vun de Liewe hot mich hergetrache. Des kinn nit mol dei blede Vetter verhinnre.
Julia: Awwer ich sach dir nur ähns, wenn se dich finnen, dann darfscht die letschte Sekunne vun deim Läwe genieße !
Romeo: Jesses, guckse derr a die Klä , wie se sich Gedanke um mich macht.
Julia: Ich will awwer nit dasse dich finnen !
Romeo: Wenn mich nit liebscht, dann kinnen se mich jo finne. Es det mer mix ausmach weche denne zu sterwe. Liewer weche denne sterwe, als ohne dich läwe!
Julia: Wie hoscht mich dann eichentlich gfunne?
Romeo: Ich hett Dich iwweral gfunne. !
Julia: Ach Gott er Leit, wenns nit so finschter wär, dann wär ich echt knallrot ! Sach mer jetzt liewer ob mich liebscht.
Romeo: Ich schwöhrs beim heilische Mond do owwe!
Julia: Beim Mond ? Awwer der esch mol so, mol so! Esch die Liewe vun dir ach so, odder was?
Romeo: Ach, dann saachs halt bei was isch's schwöre soll!
Julia: Bei Dir, Herrgott nochemol!
Romeo: Wenn mei Herzensliewe.........................
Julia: Losses am beschde sei.  Alla merr sehn uns jo bal widder! Schlof gut mei Schatzl.
Romeo: Ja saach bloß du loscht mich jetzt äffach alläh do steh? Julia des kannscht doch nit bringe !!!
Julia: Was wilscht dann noch vun merr ?
Romeo: Sach merr dass mich ach liebscht!
Julia: Awwer des häwwisch der vorhien schummo gsacht! (.....Ä Wärterin plärrt:  Juulia!)
Julia: Ich kumm jo glei ! (zur Wärterin)........ Waad ä mol do ( zu Romeo).......(und verschwindet)
Romeo: Ach Gott, was ver ä Nacht. Ich glab des isch ähn Trahm! Des isch zu Schä um wohr zu sei! (Julia kummt widder)
Julia: Nimmi lang, dann gescht ! Wennt mich so liebscht wit schun die ganz Zeit redscht, dann sach mer morsche ob't mich heirate willscht. Ich schick der jemand vorbei, dehm sachscht dann de Rescht. Awwer ähns sach ich derr noch, verarsche loss ich mich nit ! (...........Die Wärterin ruft widder)
Julia: Jo Mann, ich kumm jo glei !...... Awwer Romeo went nit willscht, dann bitt ich dich,.....................(Wärterin:"Froolein !")
Julia: ich kumm jo schun ! ...

...Romeo, lossen merr alles äffach wie mer's ähwe gsacht hän ! Mer sehn uns jo dann morsche widder. Alla dann Tschüss.................

 Ó 2000 by KreWe (SK)

Zurick zum Pälzer Hauptmenue


Wenn Sie keinen Frame sehen klicken Sie hier um in das Hauptmenü zu gelangen !