heitere Dichtungen
in Pfälzer Mundart
Auszüge
aus dem gleichnamigen Buch
von Wilhelm Marnet, erschienen 1921
Geleitwort
Wär der Humor uns nit bescheert,
Des Lewe wär' nit lewenswert.
In gröschter Sorg' kummt neuer Mut:
Durch "Pälzer Sunn unn Reweblut" !
Des nei'
Brüderche
Der Vater ruft dem Fritzel nüwer:
"Der Storch hot heut' an's Haus gepocht,"
"E kleenes Brüderche gebrocht,"
"Na Fritzel, free'schte dich dann drüwwer?"
De Fritzel strahlt, als wie die Sunn,
"gewiß doch, liewer Bappe, freilich!"
Dann awer frogt besorgt er eilig:
"Weeß es dann ach die Mutter schun?"
Kinnerspiel
Die Kinner spielen Sanitäter,
maschieren stramm im Gänseschritt.
e Erschde hott een hol'zne Meter,
Die Allerkleenschde trotten mit
Unn Eener frogt die Karawane:
"Zu was dann bloß de Meter sei ?"
Do stellen sie sich vor ihn anne
unn lachen ihm in's G'sicht e'nei!
"Wie spielen Sanitäter"
"Uns scheints, du hoschts vergesse !"
"Fer was werd do de Meter sei?"
"Fer's Fiewer halt zu messe!"
|
