eingeschickt per eMail vum Otti . |
| wer
long froot, geht long err. / korze hoor sinn ball geberscht. / was an de
galje geheert, vasauft net. / ma derf doch aa ebbes saae, wo kae wert hat.
/ ae raab hackt re annre net es au aus. / denk net dra, noot duhts aa net
weh. / ma sieht de leit uff die schtern, awwer net ins hern. / wanns em esel
zu wohl iss, geht er uffs eis./ es schmeckt nix, ohne vasucht. / es glick
is a rindvieh und sucht seinesgleiche. / wer viel afangt macht wenisch fertisch.
/ wann de watscht bis de erbscht, bleibscht de aam, bis de schderbscht . |
|
Friehling
gedichtet von Bertel Pardall, Pimasens
eingeschickt per eMail vum Otti. |
S'werd Friehling ! // alle Leit hon ihr Vergnieche, // Jedem Vochel macht's
Plaesier : //
Ende Maerz, do kann mer's rieche, // dass de Friehling vor der Tuer. //
ann de Gaademauer hinne // schnuppert mer schunn Veilscheduft - //
selbscht die Sunn duht sisch besinne // unn guckt heller dorch die Luft.//
Unn es Herz duht luschtisch kloppe, // weil die Wisse widder gruen - //
gaenseblimscher moescht ma robbe, //unn die klaenne Krokus bliehn. //
Amsle peife vor em Fenschter, // unn es zwitschert unnerm Dach. //
Fort sinn do die Nachtgeschpenschter // unn ma is so froh unn wach ! //
e klae Liedsche mescht ma peife, // wie die Veschel vor dem Haus - //
unn mer streckt de Hals , de steife, // unn bringt doch kae Triller raus.
//
Jedes Friejohr hab isch Kummer, // dass die Zeit zu schnell vergeht - - //
aens zwae, drei - do isses Summer // unn isch hab noch nix geseet. //
zu em erschte Maerzeveilsche // unn de Oschterglockeblumm//
saa isch drum : gell, blieh a Weilsche - // sunnscht is jo de Friehling rumm
! //
unn isch will doch noch geniesse // alle Daa un jedi Schtunn - //
gucke wie die Tulpe schpriesse // un misch waerme in de Sunn ! //
Lieber Friehling ! Guck, mir waade// allmitnanner bloss uff disch - - //
un isch glaab : dorsch unser Gaade // bischde geschtern dorchgeschlisch
!!
|
|
Schüttelreime in Pälzer Mundart
gedichtet von Wolfgang Heidschuch. |
Do guck mohl, wie de Babbe schlappt,
weil Gutsel in seim Schlabbe bappt.
De Hunger war mit Worscht gedeckt,
doch hott's en arge Dorscht geweckt,
drum hott er ach sei Nier begosse
und dreizeh, vierzeh Bier genosse.
Der Horst, der ruft im Walde keck:
"Es gibbt kä Worscht, nur kalde Weck"
Noch nie hott uns de Horscht verwöhnt,
so'n Weck ist uhne Worscht verhöhnt.
Dann hott er uns ganz troi gewunke
und ganz alläh de Woi getrunke.
Do guck mohl, wie die Mamme zischt,
weil Sepp sein Schorle zammemischt.
Sie greischt, ach wann der Ewwer lacht:
"Jetz gebb doch uff dei Lewwer acht"
Noch mehr Schüttelreime unter:
http://www.ichraffs.net
|
Dei sprisch
do nei? Ja dann nix wie agemeld
 Eingabeformular
|
