Ich steh am Baasteich un waad off de Zuuch.
Noochem Fahbla missder schun do sei, so langsam hawwisch genuch.

Früher hodd mer sei Peife beim Dampfablosse vun weidem schun gheert.
Heidzudaach fangen ähm vun dem ganze Stress heegschtens die Ohre a zu peife.

De Schaffner guckt, un streckt de Kopp in's Buuch nei,
un määnt:" Normal missder jo schun längscht do sei".

Er steht do un guckt ganz kariert, saacht annoch:"
Des eschem in seine vierzich Dienstjohre noch nie bassiert".

Ich kann's glaawe oder nit, ich bin jo de Dumme.
De Aaschluss zum Bus verbasst, kann's schlimmer noch kumme?

Im Leewe waad de Bus nit, des kann ich vergesse.
Mei Fraa die sitzt dehähm un waad middem Esse.

Herr Schaffner ich het noch äh Bitt!:
Wann geht dann de negschde "pinktliche" Zuuch?

Vun dem ,der vor ähnre halwe Stund het pinktlich sei misse,
vun dem hawisch genuch!